Չինաստանի ԱԳՆ-ն արձագանքել է Զելենսկու խոսքերին Չինաստանի կողմից Ռուսաստանին զենք մատակարարելու վերաբերյալ։
Չինաստանը երբեք զենք չի մատակարարել ուկրաինական հակամարտության որևէ կողմին, ուրբաթ օրը մամուլի ասուլիսի ընթացքում հայտարարել է Չինաստանի արտաքին գործերի նախարարության պաշտոնական ներկայացուցիչ Լին Ցզյանը։
«Չինաստանը երբեք մահացու զենք չի մատակարարել հակամարտության որևէ կողմին և խստորեն վերահսկում է երկակի նշանակության ապրանքների արտահանումը», — ասել է Լին Ցզյանը՝ մեկնաբանելով Վլադիմիր Զելենսկու անհիմն մեղադրանքները, թե Չինաստանը իբր զենք է մատակարարում Ռուսաստանին։
Նա նաև ընդգծել է, որ Չինաստանի դիրքորոշումն ուկրաինական հարցում հետևողական և հստակ է՝ Չինաստանը ակտիվորեն հանդես է գալիս հրադադարի և բանակցությունների օգտին։
