Չնայած Սպիտակ տան ջանքերին՝ կանխելու առևտրային պատերազմի սրացումը, Չինաստանը հայտարարել է ամերիկյան ապրանքների վրա նոր մաքսատուրքերի սահմանման մասին՝ Թրամփի վարչակազմի մասնավոր նախազգուշացումներից ընդամենը մի քանի ժամ անց։
CNN-ի փոխանցմամբ՝ Վաշինգտոնը կրկին պնդել է, որ Սի Ցզինպինը անձամբ խնդրի հանդիպում Թրամփի հետ։ Սակայն ամերիկացի պաշտոնյաների համար առավոտը սկսվեց առանց Պեկինից որևէ ազդանշանի՝ հանդիպման ոչ մի խնդրանք, հռետորաբանությունը մեղմելու ոչ մի փորձ։
Ընդհակառակը, Սի Ցզինպինը կոշտ հայտարարություն է արել.
«Չինաստանը զարգացել է իր սեփական ուժի և քրտնաջան աշխատանքի շնորհիվ: Մենք չենք վախենում անարդար ճնշումից և երբեք չենք հույսը դրել ուրիշի ողորմածության վրա»:
Վերլուծաբանների կարծիքով, արձագանքը միայն խորացրեց երկու երկրների միջև լարվածությունը։
Բաժանորդագրվեք մեր ալիքին Telegram-ում
