Ուրբաթ օրը ուկրաինական պատվիրակությունը ժամանել է Վաշինգտոն՝ մասնակցելու ռազմավարական հանքային պաշարների վերաբերյալ համաձայնագրի շուրջ բանակցությունների նոր փուլին։
Այս մասին հաղորդում է «Նյու Յորք Թայմս»-ը՝ հղում անելով Կիևի իր աղբյուրներին։
Պատվիրակությունը գլխավորում է Ուկրաինայի էկոնոմիկայի փոխնախարար Տարաս Կաչկան։
Հրատարակության տվյալներով՝ բանակցությունները կտևեն երկու օր և կունենան զուտ տեխնիկական բնույթ։ Բարձրաստիճան պաշտոնյաների մասնակցություն այս փուլում նախատեսված չէ։
Հրատարակությունը գրում է, որ ԱՄՆ-ի և Ուկրաինայի միջև հանքարդյունաբերական համաձայնագրի նախագծի նոր տարբերակում Կիևի համար անվտանգության երաշխիքների մասին չի նշվում։
Ըստ նախագծի՝ Ուկրաինան պետք է բնական պաշարների նախագծերից ստացված իր եկամտի 50%-ը փոխանցի Միացյալ Նահանգների կողմից վերահսկվող ներդրումային հիմնադրամին։
Բացի այդ, համաձայնագրի նոր տարբերակը պարունակում է ավելի խիստ պայմաններ. Միացյալ Նահանգները կկարողանա ստանալ հիմնադրամից ստացված ողջ շահույթը մինչև Կիևի կողմից ԱՄՆ-ի կողմից նախկինում տրամադրված ողջ ռազմական և ֆինանսական օգնության փոխհատուցումը, գումարած տարեկան 4%:
Ավելի վաղ վարչապետ Դենիս Շմիգալը ընդգծել էր, որ Կիևն այս բանակցություններում ունի հստակ «կարմիր գծեր», որոնք վերաբերում են Սահմանադրությանը, ԵՄ-ին միանալու ցանկությանը և միջազգային պարտավորությունների կատարմանը։
Բաժանորդագրվեք մեր ալիքին Telegram-ում
