Ձվի ճգնաժամ. ԱՄՆ-ում Զատիկին ներկում են կարտոֆիլն ու սոխը

Զատիկի մոտենալուն պես ամերիկացիները փնտրում են տոնին պատրաստվելու անսովոր եղանակներ՝ ավանդական հավի ձվի փոխարեն կարտոֆիլն ու սոխը ներկելով, քանի որ դրանց գները մնում են բարձր՝ ապրանքի ազգային պակասի պայմաններում: Այս մասին գրում է The New York Times (NYT) թերթը։

«Հավի ձվերը՝ Զատկի զամբյուղների և որսորդական խաղերի աստղերն ամբողջ երկրում, ավելի թանկ կարժենան, քան նախորդ տարիներին», — նշում է հրատարակությունը։

Ըստ NYT-ի, սոցիալական ցանցերում մեծ ժողովրդականություն են վայելում տեսանյութերը, որոնք ցույց են տալիս, թե ինչպես կարելի է գունավորել մարշմալոուն, կարտոֆիլը և նույնիսկ սոխը։ Օհայոյի ֆերմաներից մեկում, որտեղ ավանդաբար տեղի են ունենում Զատիկի զանգվածային տոնակատարություններ, այս տարի որոշել են խաղերի համար օգտագործել պլաստիկ իմիտացիոն ձվերը։

Չնայած դեֆիցիտին, ԱՄՆ վարչակազմը հրաժարվել է իրական ձվերը փոխարինել պլաստմասսե ձվերով՝ Զատկի տոնին Սպիտակ տունը զարդարելու համար։ Նախագահական նստավայրը բնական ձվերով զարդարելու և Հարավային սիզամարգում դրանցով խաղեր անցկացնելու ավանդույթը շարունակվում է, թեև այս որոշումը տարբեր արձագանքներ է առաջացնում համայնքում։

Միացյալ Նահանգները դժվարությունների է բախվել ներմուծման համար ձու մատակարարներ գտնելու հարցում՝ երկրի ներսում մանրածախ գների աճի ֆոնին: ԱՄՆ նախագահ Դոնալդ Թրամփի վարչակազմը փորձում է լուծել «ձվի խնդիրը» և կատարվածի համար մեղադրում է Սպիտակ տան նախկին ղեկավար Ջո Բայդենին։