Տնտեսական համագործակցության և զարգացման կազմակերպությունը (OECD) համախմբում է աշխարհի խոշորագույն տնտեսությունները։ Վերջիններս բավականին կտրուկ ձևով արձագանքում են ինչպես արտաքին, այնպես էլ ներքին փոփոխություններին։
Մասնավորապես, ներկա պահին առաջին պլան է մղվել Թրամփի ագրեսիվ արտաքին տնտեսական քաղաքականությունը, որն ունենալու է բացասական հետևանքներ։ Մյուս կողմից, Արևմուտքի տնտեսական պատերազմն է Ռուսաստանի դեմ։
Եվրոպան դժգոհ է ԱՄՆ-ի կողմից դրված սահմանափակումներից, մինչդեռ Ռուսաստանի դեմ գործում են հենց իրենց կողմից սահմանված պատժամիջոցները, որոնք ընդամենը ավելի են երկարացրել պատերազմը Ուկրաինայում։
Այս պայմաններում OECD/ՏՀԶԿ անդամ երկրները փորձում են պահպանել մեկ շնչի հաշվով իրական եկամուտները, որոնց մասով առկա է հետևյալ վիճակագրությունը 2024թ․ երրորդ եռամսյակի դրությամբ․
Նախ և առաջ նկատենք, որ վիճակագրական տվյալների համաձայն,OECD-ում 2024թ․-ի երրորդ եռամսյակում 2014թ․ համեմատ մեկ շնչի հաշվով իրական ՀՆԱ-ի աճը կազմել է 14․8%, ԵՄ-ում՝ 14․7%, իսկ Մեծ յոթնյակում՝ մոտ 14%։
OECD/ՏՀԶԿ անդամ երկրներից ամենացածր աճն արձանագրել է Կանադան՝ 1․1%։ Զրոյական աճ է դիտվել Լյուքսեմբուրգում։
Մեկ շնչի հաշվով իրական ՀՆԱ-ի ամենաբարձր աճերը նկատվել են Իռլանդիայում՝ մոտ 70%, Լեհաստանում՝ մոտ 44%, Թուրքիայում՝ մոտ 42%։
Բաժանորդագրվեք մեր ալիքին Telegram-ում
