Porsche-ն դիտարկում է զենքի շուկա վերադառնալու հնարավորությունը։ Ավտոարտադրողը, որն անցյալ տարի մի քանի միլիարդ դոլարի վնաս է կրել, ուսումնասիրում է ծախսերի կրճատման տարբերակներ և որոնում է բիզնեսի նոր ուղղություններ, հայտնում է գերմանական Europaische Sicherheit und Technik (ESuT) պորտալը:
Հրատարակության համաձայն՝ զարգացման կոնկրետ պայմանագրերի փոխարեն Porsche Holding SE-ն հետաքրքրված է կորպորատիվ ներդրումներով։ 2024 թվականից ի վեր ընկերությունը ավելի քան 1 միլիոն դոլար է ներդրել Quantum Systems ստարտափում, որը մշակում է անօդաչու թռչող սարքեր:
Երկրորդ համաշխարհային պատերազմի ժամանակ Porsche-ն զբաղվում էր ռազմական արտադրությամբ. հրամանատարական մեքենաներ և երկկենցաղներ արտադրելուց բացի, մշակել է ծանր տանկեր։ Ամենահայտնի նախագծերն էին Tiger (Porsche Typ 101), Elefant և VK 30.01 (P):
Ավելի վաղ՝ մարտի 12-ին, Volkswagen-ի գործադիր տնօրեն Օլիվեր Բլյումը հայտարարել էր, որ ընկերությունը «բաց» է իր գործարաններում ռազմական տեխնիկայի արտադրության համար։ Բլյումն ասաց, որ ընկերությունը սերտորեն ուսումնասիրում է ռազմական արդյունաբերության տեխնոլոգիայի կարիքները:
Volkswagen-ը փորձ ունի նաև ռազմական արտադրության ոլորտում։ Օրինակ, 1939-ից 1945 թվականներին բրենդի գործարանը արտադրում էր Volkswagen Typ 82 Kübelwagen-ը, որը Երկրորդ համաշխարհային պատերազմի տարիներին արժանացավ Գերմանիայում ամենազանգվածային արտադրության թեթև մեքենայի տիտղոսին:
Բաժանորդագրվեք մեր ալիքին Telegram-ում
