ԱՄՆ նախագահ Թրամփի ագրեսիվ արտաքին տնտեսական քաղաքականությունը տարբեր կերպ է մեկնաբանվում տնտեսագետների կողմից։
Քաղաքատնտեսական վերլուծաբաններից շատերը հավատացած են, որ արտաքին առևտրում նոր պատնեշների կառուցումը կարճաժամկետ և երկարաժամկետ հեռանկարում հսկայական վնաս կհասցնի համաշխարհային տնտեսությանը և դրա մասնակիցներին։ Իսկ մի մասի դիտարկումների համաձայն աշխարհը կարճաժամկետում կունենա անկումներ, սակայն երկարաժամկետում տնտեսությունները կհարմարվեն նոր իրողություններին և կսկեն գործել դրան համարժեք։
Ինչ խոսք, նախկին տնտեսական հարաբերությունները ևս ունեին իրենց թերությունները, որոնց արդյունքում համաշխարհային և առանձին տնտեսություններ դարձել էին խիստ անկայուն և խոցելի։ Բացի այդ՝ նախկին տնտեսական հարաբերությունները թույլ չէին տալիս լուծել համամարդկային նշանակության խնդիրները։ Հետևաբար, անհրաժեշտ են նոր տնտեսական իրողություններ, որոնք չեն ձևավորվում մեկ-երկու օրում, իսկ ազդեցության համար բավականին երկար ժամանակ է հարկավոր։
Համաշխարհային տնտեսությունում դիտվող փոփոխությունները սկսվել են դեռևս վաղուց, երբ Ռւոսաստանը, Չինաստանը և այլոք որոշում կայացրին իրենց դիրքերն ամրապնդել համաշխարհային տնտեսությունում։ Հիմա արդեն փոփոխությունների իրենց քայլն է անում կոլեկտիվ Արևմուտքը` ԱՄՆ-ի գլխավորությամբ։
Մինչ տեղի ունեցող խորքային փոփոխությունները կսկսեն գործել, ներկայիս անորոշ իրավիճակին աշխարհում արձագանքում են տարբեր կերպ։
Աղքատության ամենաբարձր մակարդակն արձանագրվել է Շիրակում. Պատկերը Երևանում և մարզերում. ԻՆՖՈԳՐԱՖԻԿԱ
Մասնավորապես, հետաքրքիր է դիտարկել աշխարհում և տարբեր խոշոր տնտեսություններում շուկայի կապիտալիզացիայի ծավալների փոփոխությունը 2025թ․ առաջին եռամսյակում նախորդ եռամսյակի համեմատ․
Ինչպես ցույց են տալիս վիճակագրական տվյալները, ԱՄՆ-ում շուկայի կապիտալիզացիայի ծավալների անկում է դիտվում 5․3%-ով, այն պարագայում, երբ աշխարհում նկատվում են աճեր։
Այսպես, Իսպանիայում կապիտալիզացիայի ծավալների աճը կազմել է 16․3%, Բրազիլիայում՝ 13․8%, և Գերմանիայում՝ 12․6%։
Աշխարհում անկումը միջինում կազմել է 1․5%։ Ամենամեծ անկումը դիտվում է Թայվանի շուկայում՝ 11․1%։
-
- Վերը բերված վիճակագրությունը, սակայն, արտահայտում է խիստ կարճաժամկետ պատկեր։ Հատկապես Եվրոպայում, որտեղ առկա է ուկրաինական ճգնաժամը, իրավիճակն է՛լ ավելի վատթարանալու հեռանկարներ ունի, քանի որ ուկրաինական խնդրին զուգահեռ ավելացել է ևս մեկը՝ ԱՄՆ֊ի հետ առճակատումը, ինչպես նաև նոր երանգավորում ստացող Ռուսաստանի հետ հակամարտությունը, որը զրկել է Եվրոպային էժան ռեսուրսների ձեռքբերման հնարավորությունից։
