Թբիլիսիի օդանավակայանի զարգացման վրա ծախսվել է հինգ միլիոն լարի

Անցած տարվա ընթացքում 5 մլն լարի է ներդրվել Թբիլիսիի Շոթա Ռուսթավելիի անվան միջազգային օդանավակայանին հարող տերմինալների և ենթակառուցվածքների զարգացման համար, ասվում է Թբիլիսիի և Բաթումի օդանավակայանները կառավարող Tav Georgia-ի հայտարարության մեջ։

Ընկերությունը նշել է, որ շարունակում է ներդրումներ կատարել Թբիլիսիի օդանավակայանի ենթակառուցվածքում ուղեւորահոսքի աճի պայմաններում։

Վրաստանի օդանավակայաններում ուղևորահոսքն աճում է ռեկորդային տեմպերով. 2024 թվականին երկրի բոլոր երեք միջազգային օդանավակայանները՝ Թբիլիսիում, Քութայիսիում և Բաթումում սպասարկել են 7,5 միլիոն ուղևորի, ինչը 24 տոկոսով ավելի է, քան 2023 թվականին։ Վրաստանի ամենահայտնի օդանավակայանը Թբիլիսին է, որն անցյալ տարի սպասարկել է 4,7 միլիոն ուղևորի (+29%)։

Ընկերության տվյալներով՝ մեկնման տերմինալի անձնագրային հսկողության տարածքում ենթակառուցվածքային աշխատանքներ են իրականացվել. տարածքն ավելացել է 61%-ով (մինչև 710 մ2), իսկ անձնագրային հսկողության կետերի թիվը՝ 18-ից 26-ի: