Չինաստանի ֆինանսների նախարարությունը բաժնետոմսերի տեղաբաշխման միջոցով $69 մլրդ կներդնի երկրի չորս խոշորագույն պետական բանկերում՝ իրագործելով կապիտալի պահուստներն ավելացնելու իր խոստումը:
Bank of Communications Co., Bank of China Ltd. , Postal Savings Bank of China Ltd. և China Construction Bank Corp.-ը ծրագրում են ներգրավել մինչեւ $72 մլրդ: Ֆինանսների նախարարությունը կդառնա առաջարկվող բոլոր մասնավոր տեղաբաշխումների գլխավոր ներդրողը՝ հատկացնելով ընդհանուր առմամբ $69 մլրդ:
Չինաստանն ամրապնդում է իր բանկային համակարգը նույնիսկ այն դեպքում, երբ վեց խոշորագույն վարկատուները մի շարք խթանիչ միջոցներ ձեռնարկելուց հետո`ներառյալ հիփոթեքային վարկերի և ապահովագրական տոկոսադրույքների իջեցումը, ունեն ավելի բարձր կապիտալի մակարդակ։
Այս քայլն ուղղված է տնտեսության իրական հատվածը սպասարկելու նպատակով խոշոր բանկերի կարողության բարձրացմանը, ինչը թույլ կտա նրանց պահպանել ակտիվների աճի համեմատաբար բարձր տեմպերը, ավելի լավ աջակցել զարգացող արդյունաբերություններին եւ հաղթահարել մարժայի նվազման միտումը տոկոսադրույքների անկման համատեքստում։
Բանկային ամենաթանկ բրենդները. Թոփ 10. ԻՆՖՈԳՐԱՖԻԿԱ
Վերջին մի քանի տարիների ընթացքում տնտեսությանն աջակցելու համար ներգրավված վարկատուները պայքարում են ռեկորդային ցածր մարժայի, շահույթի դանդաղեցման և խնդրահարույց պարտքերի աճի հետ: Ոլորտի զուտ տոկոսային մարժան ՝ շահութաբերության ցուցանիշը, 2024 թ․ վերջին նվազել է մինչև 1․52%, ինչն ամենացածր ցուցանիշն է:
Կապիտալի պահուստների ավելացումը վարկատուներին հնարավորություն կտա ավելի շատ վարկեր տրամադրել, քանի որ Պեկինը խոստացել է ուժեղացնել աջակցությունը ոլորտներին ՝ անշարժ գույքից մինչև սպառողական հատված և տեխնոլոգիա` այս տարի մոտ 5% աճի թիրախին հասնելու համար:
Այն կծառայի նաև Չինաստանի նպատակին`պահպանել ֆինանսական կայունությունն ու զսպել ռիսկերը, թեև պայքարում է ինչպես ներքին խնդիրների, այնպես էլ ԱՄՆ-ի մաքսատուրքերի կոշտ քաղաքականության դեմ:
Բաժանորդագրվեք մեր ալիքին Telegram-ում
