Դոնալդ Թրամփի որդիների գլխավորությամբ գործարկվել է նոր մայնինգային ընկերություն 

Կանադական Hut 8 մայնինգային ընկերությունը և ներդրողների խումբը՝ Դոնալդ Թրամփի որդիների՝ Էրիկի և Դոնալդ Թրամփ-կրտսերի գլխավորությամբ, հայտարարեցին American Bitcoin նոր մայնինգային ընկերության գործարկման մասին։ Նախագիծն ուղղված է բացառապես բիթքոինի մայնինգին և կրիպտոարժույթի պահուստների ձևավորմանը։

Գործարքի շրջանակում Hut 8-ը փոխանցել է իր ASIC-մայներների մեծ մասը American Data Centers ընկերությանը՝ դրա 80% բաժնետոմսերի դիմաց։ Գործարքից հետո ընկերությունը վերանվանվել է American Bitcoin։ Նոր բիզնեսը կգործի որպես առանձին կառույց, սակայն կշարունակի օգտվել Hut 8-ի ենթակառուցվածքներից, որոնք կմնան դրա բացառիկ օպերատորը երկարաժամկետ պայմանագրերով։

Ըստ պաշտոնական կայքի՝ Hut 8-ն աշխատեցնում է 10 ֆերմա, 5 հոսթինգային կենտրոն և 5 էներգետիկ հարթակ ԱՄՆ-ում և Կանադայում, որոնց ընդհանուր հզորությունը գերազանցում է 1 ԳՎտ-ը։

American Bitcoin-ը կլինի հրապարակային ընկերություն և նպատակ ունի հասցնել իր հեշրեյթը 50 EH/s-ի՝ էներգաարդյունավետությունը նվազեցնելով 15 J/TH-ից պակաս։ Ընկերության ղեկավարությունը հայտարարում է, որ այս մոդելը ներդրողներին հնարավորություն կտա ոչ միայն գնել բիթքոին, այլև մասնակցել դրա մայնինգին՝ «թափանցիկ բիզնես մոդելով և շուկայական տնտեսությամբ»։

«Բիթքոինի գնումը պատմության միայն կեսն է։ Նրա մայնինգը շահավետ պայմաններով բացում է շատ ավելի մեծ հնարավորություններ», – նշել է Դոնալդ Թրամփ-կրտսերը։

Հիմնադիր թիմում ներգրավված են Hut 8-ի ներկայացուցիչներ և արտաքին ներդրողներ, իսկ Էրիկ Թրամփը ստանձնել է ռազմավարական տնօրենի պաշտոնը։