Թվեր, փաստեր և ֆինանսներ, ամփոփում ենք շաբաթը Banksnews-ի հետ:
Հայաստանը 138-րդ տեղում է 180 երկրի շարքում:
Խոսքը թափոնների կառավարման «արդյունավետության» ցուցանիշի մասին է, որտեղ Հայաստանի այս հորիզոնականը մեղմ ասած նախանձելի չէ:
Դրական տեղաշարժ չունենք նաև տնտեսական ցուցանիշներում: 2025 թ. փետրվարին նախորդ տարվա նույն ամսվա համեմատ Հայաստանի արտաքին առևտրաշրջանառությունը նվազել է 61 %-ով. արտահանումը՝ 67.7 %, իսկ ներմուծումը նվազել է 55.2 %-ով: ՀՀ սպառողական շուկայում գնաճը կազմել է 2.5%:
Փոխարենն անշեղորեն աճում է Հայաստանի ներքին պարտքը: 2025 թ․ հունվարի վերջի դրությամբ ներքին պետական պարտքն ավելացել է ֏ 337․7 մլրդ-ով՝ կազմելով ֏ 2․57 տրլն կամ $6․45 մլրդ։
2024թ․ 4-րդ եռամսյակում նախորդ տարվա նույն եռամսյակի համեմատ Երևանում բազմաբնակարան շենքերի բնակարանների շուկայական միջին գներն աճել են 4․8%-ով, իսկ նախորդ եռամսյակի համեմատ՝ 1․6%-ով։
Ի դեպ, 2025թ․ հունվարին Երևանում բնակարանների գրանցված առուվաճառքի գործարքները կազմել են 506 միավոր։ Ամենաշատ բնակարանները գնվել են Երևանի Կենտրոն համայնքում՝ 218 միավոր, ամենաքիչը՝ Ավանում՝ 2 միավոր։
Եվ վերջում՝ Միասնական սոցիալական ծառայությունն է ներկայացրել ՀՀ աշխատաշուկայի իրավիճակը 2025 թվականի հունվար- փետրվար ամիսների դրությամբ:Հաշվառված աշխատանք փնտրողների թիվը կազմել է 55.5 հազար մարդ, որից աշխատանքի է տեղավորվել 1342-ը։
