Ինչպես են փոխվել արդյունաբերական արտադրանքի գները Վրաստանում․ նոր վիճակագրություն

Վրաստանում արդյունաբերական արտադրողների գների ինդեքսը 2025 թվականի փետրվարին 2024 թվականի փետրվարի համեմատ աճել է 6,1 տոկոսով, հայտնում է Վրաստանի ազգային վիճակագրական ծառայությունը:

Ցուցանիշի ձևավորման վրա հիմնականում ազդել է վերամշակող արդյունաբերության գների աճը 4,5%-ով, այդ թվում՝ պարենային ապրանքների գների աճը 2,3%-ով, իսկ հանքարդյունաբերության ոլորտում՝ 30,1%-ով։

2025 թվականի փետրվարին հունվարի համեմատ արդյունաբերական ապրանքների գներն աճել են 0.3%-ով։

Տեղական արտադրություն Վրաստանի ներքին շուկայի համար արտադրված արդյունաբերական արտադրանքի գները փետրվարին 2024 թվականի նույն ժամանակահատվածի համեմատ աճել են 3,6%-ով։ Միևնույն ժամանակ, հանքարդյունաբերության ոլորտում գներն աճել են 9,8%-ով, իսկ վերամշակող արդյունաբերությունում՝ 2,5%-ով։

Արտահանում և ներմուծում Արտահանված արդյունաբերական արտադրանքի արտադրողի գների ինդեքսը փետրվարին 2024 թվականի նույն ժամանակահատվածի համեմատ աճել է 9.1%-ով։ Հանքարդյունաբերական արտադրանքի գներն աճել են 37.4%-ով։ Արտահանվող վերամշակված ապրանքների գներն աճել են 6.8%-ով, այդ թվում՝ խմիչքներինը՝ 11.2%-ով։

Վրաստան ներմուծվող արդյունաբերական արտադրանքի գները հաշվետու ժամանակահատվածում աճել են 3,7%-ով։ Միաժամանակ վերամշակող արդյունաբերությունից ներկրվող ապրանքները թանկացել են 5,5%-ով։

Սպառողական գներ 2025 թվականի փետրվարին Վրաստանում գնաճի տարեկան մակարդակը կազմել է 2,4%, նպատակային՝ 3%: 2025 թվականի փետրվարին հունվարի համեմատ գնաճը կազմել է 0,4 տոկոս։