Կանադայի իշխանությունները Tesla ընկերության էլեկտրամեքենաները, որը ղեկավարում է Իլոն Մասկը, բացառել են դաշնային ծրագրից, որը տրամադրում էր զեղչեր էլեկտրամեքենաների գնման դեպքում։ Այս մասին երեքշաբթի հայտնել է CTV հեռուստաալիքը։
Ըստ աղբյուրի՝ նման որոշում է ընդունել Կանադայի փոխվարչապետ և ֆինանսների նախարար Քրիստյա Ֆրիլանդը, կապված ԱՄՆ նախկին նախագահ Դոնալդ Թրամփի վարչակազմի կողմից կանադական ապրանքների նկատմամբ սահմանված սակագների հետ։ Նախարարի խոսքով՝ Tesla-ն չի ներգրավվի ծրագրում, քանի դեռ ԱՄՆ-ի «անօրինական մաքսատուրքերը» մնում են ուժի մեջ։
2022 թվականին Կանադայի վարչապետ Ջասթին Թրյուդոն հայտարարել էր, որ դաշնային իշխանությունները խրախուսելու են բնակչությանը էլեկտրամեքենաներ գնել և ներդրումներ անել դրանց լիցքավորման ենթակառուցվածքների զարգացման մեջ։ Դրա համար Օտտավան նախատեսում էր հատկացնել 2,9 միլիարդ կանադական դոլար (այն ժամանակ՝ մոտ $2,31 միլիարդ)։
Թրյուդոն նաև նշել էր, որ 2035 թվականից Կանադայում հնարավոր կլինի ձեռք բերել միայն էլեկտրամեքենաներ կամ վերալիցքավորվող հիբրիդներ։
Բաժանորդագրվեք մեր ալիքին Telegram-ում
