LG-ն գործարկել էր NFT-պլատֆորմը 2022 թվականի սեպտեմբերին՝ հնարավորություն տալով օգտատերերին վաճառել թվային արվեստի գործեր և ցուցադրել դրանք իրենց խելացի հեռուստացույցների էկրաններին։
«Խորքային ուսումնասիրությունից հետո մենք ընդունել ենք բարդ որոշում՝ փակել հարթակը։ Մենք կարծում ենք, որ այժմ ճիշտ ժամանակն է փոխել մեր ուշադրության կենտրոնն ու ուսումնասիրել նոր հնարավորություններ», – հայտարարել են LG Art Lab-ում։
Սպասարկումը կդադարեցվի հունիսի 17-ին։ LG Art Lab-ում վաճառքի դրված բոլոր ակտիվները կտեղափոխվեն օգտատերերի անձնական դրամապանակներ մինչև ապրիլի 30-ը։ Հաճախորդների աջակցության ծառայությունը հասանելի կլինի մինչև հուլիսի 18-ը, հայտնել են LG-ից։
Երբ հարթակը բացվեց, NFT շուկան արդեն նվազում էր իր գագաթնակետից։ 2022 թվականի սեպտեմբերին շաբաթական առևտրի ծավալը կազմում էր մոտ 150 միլիոն դոլար, մինչդեռ 2021 թվականի օգոստոսին՝ իր գագաթնակետին, այդ ցուցանիշը գերազանցում էր 3 միլիարդ դոլարը։ Ներկայումս այն կազմում է 100 միլիոն դոլարից պակաս։
Բաժանորդագրվեք մեր ալիքին Telegram-ում
