Արաբները հեղեղում են ԱՄՆ-ը փողերով

Արաբական Միացյալ Էմիրությունները (ԱՄԷ) պարտավորվել է իրականացնել 10-ամյա 1,4 տրիլիոն դոլարի ներդրումային ծրագիր ԱՄՆ-ում:

Այս մասին Reuters-ին հայտնել է Սպիտակ տան ներկայացուցիչը։

Նրա խոսքով՝ ԱՄԷ-ի իշխանություններն այս որոշումը կայացրել են այս շաբաթ երկրի պատվիրակության եւ ԱՄՆ նախագահ Դոնալդ Թրամփի հանդիպումից հետո։

Սպիտակ տան խոսնակը հավելել է, որ նոր պայմանավորվածությունները «էականորեն կմեծացնեն ԱՄԷ-ի առկա ներդրումները ԱՄՆ-ի տնտեսությունում» արհեստական ​​ինտելեկտի, կիսահաղորդիչների, էներգետիկայի և ամերիկյան արտադրության ոլորտներում։