Շարունակենք ամփոփել 2024թ. -ը թվերով` այս անգամ անդրադառնալով պարենային անվտանգությանը, որը յուրաքանչյուր երկրի համար ունի կենսական նշանակություն։
Եթե մի պահ իրապես հավատանք Ադրբեջան-Հայաստան խաղաղության պայմանագրի կնքման և դրա բոլոր կետերի լիարժեք իրացման հավանականությանը հատկապես Ադրբեջանի կողմից, ապա արդյունքում բարենպաստ միջավայր կարող է ստեղծվել պարենային անվտանգության ապահովման համար՝ հաշվի առնելով բաց սահմանները և պատերազմական իրավիճակի վերսկսման նվազագույն հավանականությունը։
Մինչ այդ դիտարկենք 2024թ․ ՀՀ պարենային ապրանքների ներմուծման ծավալները` ըստ տարբեր ապրանքախմբերի.
Նկատենք, որ 2024թ․ 2023թ․ համեմատ պարենային ապրանքների ներմուծման ծավալներում ամենամեծ աճը՝ 25%, արձանագրվել է տավարի մսի մասով` 5,631 տոննա։
2024թ․ 2023թ․ համեմատ պարենային ապրանքների ներմուծման ծավալների ամենամեծ անկումը՝ 36%-ով, արձանագրվել է ալյուրի մասով. ներմուծման ծավալները 2024թ․ կազմել են 42,135 տոննա։
Նկատենք, որ 2024թ․ պարենային ապրանքների ներմուծման առավելագույն ծավալն արձանագրվել է ցորենի մասով՝ 315,612 տոննա։ Վերջինս 2023թ․ համեմատ նվազել է 8%-ով։
Մյուս կողմից, 2024թ․ 2020թ․ համեմատ պարենային ապրանքների ներմուծման ծավալների ամենամեծ աճը՝ 817%, դիտվել է ձվի ներմուծման պարագայում։
2024թ․ 2020թ․ համեմատ պարենային ապրանքների ներմուծման ծավալների ամենամեծ անկումը՝ 11%-ով, արձանագրվել է մակարոնեղենի մասով։
Բաժանորդագրվեք մեր ալիքին Telegram-ում
