Tesla-ի առաջին ներդրողներից Ռոս Գերբերը կոչ է արել Իլոն Մասկին հեռանալ ընկերության գործադիր տնօրենի պաշտոնից՝ Դոնալդ Թրամփի վարչակազմում նրա «հակասական գործունեության» պատճառով: Գերբերը կարծում է, որ սա վնասում է Tesla-ի բիզնեսին և բաժնետոմսերին:
«Իլոնը պետք է կամ վերադառնա Tesla-ում աշխատելու, կամ գտնի նոր գործադիր տնօրեն և որոշ պետական աշխատանք կատարի», — ասել է նա Sky News-ին:
Սա ներդրողների առաջին նման կոչն է։ Թրամփի վարչակազմում Մասկի պաշտոնավարման ընթացքում Tesla-ի շուկայական կապիտալը նվազել է 48%-ով, իսկ վաճառքները Եվրոպայում կտրուկ նվազել են:
Իրավիճակի վրա ազդել են Մասկի հայտարարությունները և նրա աջակցությունը ծայրահեղ աջ կուսակցություններին։ Այս ֆոնին բողոքի ցույցեր են տեղի ունենում ԱՄՆ-ի և Եվրոպայի մի շարք քաղաքներում։ Տարեսկզբից Մասկի կարողությունը նվազել է ավելի քան 100 միլիարդ դոլարով։
Բաժանորդագրվեք մեր ալիքին Telegram-ում
