Վրաստանը մեծացնում է մրգի արտահանումը. հիմնական շուկաներ և ցուցանիշներ

2024 թվականին Վրաստանից արտահանված մրգերի արժեքը կազմել է 236 միլիոն ԱՄՆ դոլար, ինչը 14 տոկոսով ավելի է նախորդ տարվա նույն ժամանակահատվածի համեմատ, հաղորդում է երկրի գյուղատնտեսության նախարարությունը։

Մրգերը Վրաստանում խմիչքներից հետո հիմնական արտահանման արտադրանքն են, որը կազմում է ագրոպարենային ապրանքների ընդհանուր արտահանման 14%-ը։

«Մրգի արտահանման աճը հիմնականում պայմանավորված է պնդուկի (17,4 մլն ԱՄՆ դոլար), հապալասի (7 մլն ԱՄՆ դոլար), դեղձի և նեկտարինի (3,1 մլն ԱՄՆ դոլար) արտահանման 21 տոկոս աճով»,- ասվում է զեկույցում։

2024 թվականին պնդուկի արտահանման արժեքը կազմել է 100,7 մլն ԱՄՆ դոլար։ Պնդուկի արտահանման հիմնական շուկան ԵՄ-ն է։ Եվրամիություն արտահանված պնդուկի արժեքը 2024 թվականին կազմել է 63,7 մլն ԱՄՆ դոլար։

Նախորդ տարի պնդուկ է արտահանվել նաև Հայաստան (5 մլն ԱՄՆ դոլար) և Ռուսաստան (3,5 մլն ԱՄՆ դոլար)։
Հապալասի արտահանման արժեքը 2024 թվականին կազմել է 28,2 մլն ԱՄՆ դոլար։ Հապալասի արտահանման հիմնական շուկաներն են Ռուսաստանը (24,3 մլն ԱՄՆ դոլար) և ԵՄ-ն (2,4 մլն ԱՄՆ դոլար):

Վրաստանից խնձորի արտահանումն աճել է վեց անգամ՝ հիմնականում դեպի Ռուսաստան

Հաշվետու ժամանակահատվածում Վրաստանից արտահանված դեղձի և նեկտարինի արժեքը կազմել է 27,9 մլն ԱՄՆ դոլար։
Վերամշակված մրգերի արտահանման զգալի աճ է գրանցվել. Աճը հասել է 80%-ի, որը կազմում է 18,9 մլն ԱՄՆ դոլար։ Վերամշակված մրգի արտահանման արժեքը 2024 թվականին կազմել է 42,5 մլն ԱՄՆ դոլար (7,2 հազար տոննա)։