Երևանի քաղաքապետարանի՝ մարտի 17-ի գործակարգավարական խորհրդակցության ժամանակ ներկայացվեց հունվար-փետրվար ամիսների և մարտի առաջին 10-օրյակի ժամանակահատվածում տոմսային համակարգի շահագործման արդյունքում գեներացված տվյալների հիման վրա ստեղծված հաշվետվությունը:
Ըստ այդմ՝ վաճառված տոմսերի թիվը 17 մլն 743 հազար 372 է: Այդ թիվը ներառում է բոլոր տեսակի տոմսերը, այդ թվում՝ մեկանգամյա երթերը և 1 տարով փաթեթը: Հասույթը կազմել է 2 մլրդ 538 մլն 946 հազար 350 դրամ։
17 մլն 743 հազար 372 տոմսերից 213 հազար 21-ը կազմել են փաթեթային տոմսերը, որոնց ցուցիչները բաշխվում են հետևյալ կերպ. ամենապոպուլյար տոմսը 10 ուղևորության համար տոմսն է՝ 105 հազար 636, հաջորդիվ 30-օրյա տոմսն է՝ 58 հազար 291, այնուհետև՝ 80 րոպեանոցը՝ շուրջ 30 հազար:
Բաժանորդագրվեք մեր ալիքին Telegram-ում
