ԱՄՆ Կոնգրեսում այսօր կներկայացվի օրինագիծ, որը կոչ է անում օրենսդրորեն ամրագրել նախագահ Դոնալդ Թրամփի հրամանագիրը՝ բիթքոյնի ռազմավարական ռեզերվ և ԱՄՆ-ի թվային ակտիվների հիմնադրամ ստեղծելու վերաբերյալ։
Օրինագիծն ուղղված է կանխելու դրա չեղարկումը ապագա վարչակազմերի կողմից։
«Դեմոկրատները տարիներ շարունակ պատերազմ են վարել կրիպտոարժույթների դեմ։ Ժամանակն է, որ Կոնգրեսի հանրապետականները վերջ դնեն դրան»,- հայտարարել է օրինագծի հեղինակ, կոնգրեսական Բայրոն Դոնալդսը։
Դոնալդ Թրամփը մարտի 6-ին ստորագրել է բիթքոյնի ռեզերվի մասին հրամանագիր։ Այն նախատեսում է ԱՄՆ-ին պատկանող մոտ 200,000 բիթքոյնի փոխանցում Ֆինանսների նախարարության կառավարման ներքո, դրանց վաճառքի արգելք, ինչպես նաև մեխանիզմների մշակում՝ ռեզերվը համալրելու համար՝ առանց հարկատուների վրա լրացուցիչ բեռի։
Բաժանորդագրվեք մեր ալիքին Telegram-ում
