Լայնամասշտաբ ներխուժման սկզբից ավելի քան 1300 միջազգային ընկերություն կրճատել կամ դադարեցրել է իր գործունեությունը Ռուսաստանում, ինչը նրանց համար հանգեցրել է 170 միլիարդ դոլարից ավելի վնասների։ Այս մասին ասվում է KSE Institute-ի ուսումնասիրության մեջ։
Նշվում է, որ վնասների հիմնական մասը կազմում են ակտիվների դուրսգրումները՝ ավելի քան 167 միլիարդ դոլար։ Դրանցից ավելի քան 57 միլիարդ դոլարը բաժին է ընկնում այն ընկերություններին, որոնց ակտիվները բռնագրավվել են Ռուսաստանի իշխանությունների կողմից, փոխանցվել տեղական կառույցներին կամ պետական հաստատություններին, թեև դրանց շուկայական արժեքը մոտ 74 միլիարդ դոլար էր։
Բացի այդ, ընկերությունները ստիպված են եղել վճարել առնվազն 3 միլիարդ դոլարի «ելքի հարկ», որը դարձել է ակտիվների վաճառքի պարտադիր պայման և 2023 թվականից զգալիորեն աճել է։
Ամենաշատը տուժել են ԱՄՆ ($46 միլիարդ), Գերմանիայի ($44,5 միլիարդ), Մեծ Բրիտանիայի ($35,1 միլիարդ), Ֆրանսիայի ($12,1 միլիարդ), Ավստրիայի ($6,7 միլիարդ) և Ֆինլանդիայի ($5,1 միլիարդ) ընկերությունները։
Խոշորագույն կորուստների թվում են՝ British Petroleum (BP)-ի դուրս գալը «Ռոսնեֆտ»-ից ($25,5 միլիարդ), Uniper-ի ($22 միլիարդ) և Fortum-ի ($4,07 միլիարդ) ակտիվների ազգայնացումը, ExxonMobil-ի ($4 միլիարդ) և Renault-ի ($2,4 միլիարդ) ակտիվների դուրսգրումը, ինչպես նաև Société Générale-ի կողմից իր ռուսական բիզնեսի հարկադրված վաճառքը ($3,3 միլիարդ)։
Ուսումնասիրության համաձայն՝ Ռուսաստանը համակարգված կերպով օգտագործել է տնտեսական ճնշման մեխանիզմներ։ Առնվազն 30 ընկերություն դարձել է ակտիվների հարկադիր առգրավման զոհ, այդ թվում՝ Carlsberg, Danone, Fortum, Wintershall Dea, Uniper և ExxonMobil։
KSE Institute-ի տվյալներով՝ 2025 թվականի մարտի սկզբի դրությամբ 481 ընկերություն ամբողջությամբ լքել է ռուսական շուկան։ Եվս մոտ 1357 բիզնես կրճատել է իր գործունեությունը կամ գտնվում է դուրս գալու գործընթացում։
Բաժանորդագրվեք մեր ալիքին Telegram-ում
