Louis Vuitton նորաձևության տունը, որը 2022 թվականի գարնանը ժամանակավորապես փակել էր իր բուտիկները Ռուսաստանում, որոշել է չերկարաձգել վարձակալության պայմանագիրը Մոսկվայի ЦУМ-ում, հայտնում է РБК-ն՝ հղում անելով «Луи вюиттон восток» ընկերության (ֆրանսիական ընկերության ռուսական դուստր ձեռնարկություն) 2024 թվականի հաշվետվությանը։
ЦУМ-ում Louis Vuitton-ի բուտիկը երկար ժամանակ զբաղեցրել է 504 քմ տարածք, սակայն 2022 թվականի վերջին այն կրճատվել է մինչև 88 քմ։ Վարձակալության պայմանագիրը ուժի մեջ էր մինչև 2024 թվականի նոյեմբերի վերջը։
2024 թվականին ընկերությունը հրաժարվել է վարձակալության պայմանագրերից նաև Սանկտ Պետերբուրգի Նևսկի պողոտայում (որը վարձակալել է ռուսական 12 Storeez ցանցը), Սոչիի Վոյկովի փողոցում, ինչպես նաև Մոսկվայի Բոլշայա Դմիտրովկայում գտնվող գրասենյակի համար։
2023 թվականին փակվել էր Louis Vuitton-ի բուտիկը Մոսկվայի Կարմիր հրապարակում գտնվող ГУМ-ում (որը, ըստ «Коммерсант»-ի, կարող է զբաղեցնել Lime հագուստի մանրածախ ցանցը)։ Այնուամենայնիվ, Louis Vuitton-ը Ռուսաստանում դեռ ունի մի քանի վարձակալված տարածքներ, այդ թվում՝ Մոսկվայի Կուտուզովսկի պողոտայի «Времена года» առևտրի կենտրոնում, որի պայմանագիրը ավարտվում է 2025 թվականին։ Չնայած խանութը փակ է, այն դեռ չի հանվել վաճառքի։
Louis Vuitton-ը շարունակում է վարձակալել տարածքներ նաև Մոսկվայի Բոլշայա Դմիտրովկա փողոցում։
Louis Vuitton-ի առաջին բուտիկը Ռուսաստանում բացվել է 2000-ականների սկզբին՝ Ստոլեշնիկովի նրբանցքի և Մալայա Դմիտրովկայի անկյունում։ Այնուհետև բացվել է խանութ ГУМ-ում։ 2022 թվականի մարտին Ուկրաինայում սկսված «հատուկ ռազմական գործողության» ֆոնին ֆրանսիական Moët Hennessy Louis Vuitton (LVMH) խումբը, որը ղեկավարում է միլիարդատեր Բեռնար Առնոն (ունեցվածքը՝ ըստ Forbes Real-Time-ի, 182 մլրդ դոլար), դադարեցրել է իր արտադրանքի պաշտոնական մատակարարումները Ռուսաստանում։
2021 թվականին «Луи вюиттон восток»-ի եկամուտը կազմել է 17,3 մլրդ ռուբլի, 2022-ին՝ 4,6 մլրդ ռուբլի, 2023-ին՝ 78 մլն ռուբլի, իսկ 2024-ին նվազել է մինչև 235 000 ռուբլի՝ նույնքան էլ կազմելով զուտ վնասը։
Բաժանորդագրվեք մեր ալիքին Telegram-ում
