2025 թվականի սկզբից Ռուսաստանի ռուբլին աճել է 15%-ով ԱՄՆ դոլարի նկատմամբ՝ ցուցաբերելով լավագույն արդյունքը ազգային արժույթների միջև: Այս մասին հայտնում է Bloomberg գործակալությունը:
«Ռուբլու արժեքը բարձրացել է 15%-ով այս տարվա սկզբից, ինչը նրան դարձնում է լավագույն արժույթ այս ցուցանիշով», — նշվում է հրապարակման մեջ:
Հրապարակման համաձայն, հետաքրքրությունը Ռուսաստանի ակտիվների նկատմամբ աճել է Ռուսաստանի և ԱՄՆ-ի միջև բանակցությունների մեկնարկի հետևանքով: Միջազգային ներդրողներն սկսել են փնտրել միջոցներ՝ շրջանցելու հակառուսական պատժամիջոցները՝ ռուսական ակտիվներ գնելու համար:
Bloomberg-ի համաձայն, ներդրողները գնում են «այն ամենը, ինչն ունի նույնիսկ ամենաթեթև կապ Ռուսաստանի հետ»: Միևնույն ժամանակ, վերլուծաբանները նախազգուշացրել են նրանց՝ Ռուսաստանի հետ հնարավոր գործարքների հանդեպ գերագնահատված սպասումների մասին: Գործընկերները հիշեցրել են, որ Արևմուտքի կողմից կիրառվող սահմանափակումները շատ լայնածավալ են:
Բաժանորդագրվեք մեր ալիքին Telegram-ում
