Վրաստանի նախագահ Սալոմե Զուրաբիշվիլին հայտարարել է, որ չի բացառում Ռուսաստանի Դաշնության հետ առանց վիզայի ռեժիմի վերանայումը, ռուսների՝ հանրապետություն ներհոսքի ֆոնին։
«Հնարավոր է, որ մենք ստիպված լինենք վերանայել առանց վիզայի ռեժիմը, որն այսօրվա պայմաններում բավականին ազատական է։ Այս ամենը պետք է որոշի կառավարությունը՝ հասարակության հետ միասին»։ ТАСС -ի փոխանցմամբ, այս մասին Զուրաբիշվիլին հայտարարել է երկուշաբթի օրը Քիշնևում Մոլդովայի նախագահ Մայա Սանդուի հետ համատեղ մամուլի ասուլիսում։
Վրաստանի ղեկավարը հավելել է, որ ռուսների ժամանումը հանրապետություն վերջին շրջանում մարտահրավեր է, բայց ոչ սպառնալիք։
Սեպտեմբերին իշխող «Վրացական երազանք-Ժողովրդավարական Վրաստան» կուսակցության ղեկավար Իրակլի Կոբախիձեն հայտարարել էր, որ Ռուսաստանի Դաշնության հետ առանց վիզայի ռեժիմը վերանայելու անհրաժեշտություն չկա։ Վրաստանի օրենսդրության համաձայն՝ Ռուսաստանի քաղաքացիները կարող են Վրաստան այցելել առանց վիզայի և հանրապետությունում մնալ մինչև մեկ տարի։ Վրաստանի քաղաքացիները վիզա ստանալու դեպքում կարող են այցելել Ռուսաստան:
Բաժանորդագրվեք մեր ալիքին Telegram-ում
