Սինգապուրում 32-ամյա Հո Կայ Սինը դատապարտվել է 9 տարի և 11 ամիս ազատազրկման՝ 5,7 միլիոն դոլարի չափով կրիպտոկեղծարարության համար։
2021 թվականի հոկտեմբերից մինչև 2022 թվականի հոկտեմբերը նա աշխատել է Wechain Fintech Singapore ընկերությունում և պատասխանատու էր Bybit կրիպտոբորսայի 900 աշխատակիցների աշխատավարձերի մշակման համար։ Օգտվելով վճարային ֆայլերին հասանելիությունից՝ Հոն Excel աղյուսակներում փոխում էր տվյալները՝ ձևացնելով, թե գումարները փոխանցվում են աշխատակիցներին, բայց իրականում դրանք ուղղվում էին իր կրիպտոդրամապանակներ։
Չորս ամսվա ընթացքում նրա հաշվեհամարներին փոխանցվել է ավելի քան 4,2 մլն USDT։ Հետաքննության արդյունքում պարզվել է, որ նա ընդհանուր առմամբ հափշտակել է 5,7 միլիոն դոլար և լվացել ավելի քան 4,3 միլիոն՝ ծախսելով դրանք էլիտար անշարժ գույքի, ավտոմեքենայի և շքեղ բրենդային իրերի վրա։
2023 թվականին Wechain-ը հայտնեց խախտումների մասին իրավապահ մարմիններին, ինչից հետո Հոն ձերբակալվեց։ Հետաքննության ընթացքում նա փորձել էր մեղքը բարդել իր հորինված զարմիկի վրա։
Դատարանը որոշել է կոնֆիսկացնել 330,000 դոլարի ակտիվներ, ներառյալ կրիպտոարժույթը և թանկարժեք գնումները։ Սակայն գողացված գումարի մեծ մասը չի վերականգնվել։ 2025 թվականի հունվարին Հոն լրացուցիչ 6 շաբաթ ազատազրկման է դատապարտվել՝ գողացված գումարները օգտագործելու դատական արգելքը խախտելու համար։
Բաժանորդագրվեք մեր ալիքին Telegram-ում
