«Տրանսպորտի մասին» օրենքում փոփոխությունների նախագծինը հավանության արժանացավ կառավարության այսօրվա նիստում:
Ըստ նախագծի` Հայաստանում ներդրվելու է միասնական երթուղային ցանց: Նախկինում 1 երթուղի – 1 սպասարկող օպերատոր սկզբունքից անցում է կատարվում մեկ տարածաշրջանի կամ մարզի երթուղիներ – 1 սպասարկող օպերատոր սկզբունքին, այսպիսով ձևավորելով միասնական երթուղային ցանցը ՀՀ ողջ տարածքում։
Դրա համար անհրաժեշտ է իրականացնել մեծ ծավալի ներդրումներ մարզի կամ տարածաշրջանի բոլոր երթուղիները սպասարկելու համար տրանսպորտային միջոցներ ձեռք բերելու համար։
Միասնական երթուղային ցանցի ներդրման նպատակով որոշ մարզերում հայտարարված մրցույթները չեն կայացել հայտերի բացակայության պատճառով, ինչը կապված է մեծ ներդրումների բիզնես ռիսկերի հետ։ Որոշ դեպքերում մրցույթներին մասնակցության միայն մեկ հայտ է ներկայացվում, ինչը բացառում է առողջ մրցակցությունը։
Բաժանորդագրվեք մեր ալիքին Telegram-ում
