«Контур.Маркет» վերլուծաբանները համեմատել են 2024 և 2025 թվականների հունվարի 1-ից 15-ը ստացված տվյալները։ Միջինում, ռուսաստանցիները 2024 թվականին ալկոհոլի համար վճարել են 526 ռուբլի, իսկ 2025 թվականին այդ գումարը աճել է մինչև 674 ռուբլի։ Տարվա ընթացքում խանութներից գնված ալկոհոլային խմիչքների քանակը, որոնք ընդգրկվել են հետազոտության մեջ, նվազել է 6%-ով։
Վերլուծաբանների տվյալներով, ամենից շատ թանկացել են թունդ խմիչքները (+41%, 757 ռուբլի), գինին (+31%, 758 ռուբլի) և փրփրուն ալկոհոլը (+29%, 914 ռուբլի)։ Իսկ գարեջուրը, հակառակը, էժանացել է 4%-ով (268 ռուբլի)։
Գրեթե բոլոր կատեգորիաներում, որոնք գնահատել են վերլուծաբանները, տարվա ընթացքում գնված ալկոհոլային շշերի քանակը նվազել է․ գինու դեպքում՝ 14%-ով, գարեջրի՝ 8%-ով, թունդ ալկոհոլի՝ 7%-ով։ Իսկ ահա փրփրուն գինու վաճառքի ծավալները, ընդհակառակը, աճել են 4%-ով։ Ընդհանուր կրճատումը կազմել է 6%։
Վերլուծաբանները ներկայացրել են նաև տվյալներ Ռուսաստանի առանձին տարածաշրջանների վերաբերյալ.
▪️ Մոսկվայում միջին գինը աճել է 10%-ով (771 ռուբլի), գարեջուրը թանկացել է 21%-ով։
▪️ Կրասնոդարի երկրամասում գները բարձրացել են 12%-ով (762 ռուբլի), գարեջուրն ու փրփրուն գինին թանկացել են 20%-ով։
▪️ Կրասնոյարսկի երկրամասում միջին գինը աճել է 16%-ով (836 ռուբլի), գարեջուրը թանկացել է 25%-ով։
▪️ Նովոսիբիրսկի մարզում՝ աճ 11%-ով (693 ռուբլի), գինին թանկացել է 41%-ով։
▪️ Ռոստովի մարզում միջին գումարը բարձրացել է 2%-ով (622 ռուբլի), իսկ գարեջուրը էժանացել է 20%-ով։
▪️ Թաթարստանում միջին գինը աճել է 21%-ով (541 ռուբլի), ամենաշատը թանկացել են փրփրուն գինին (+29%) և գարեջուրը (+28%)։
