Համաշխարհային բանկի Արևելյան Եվրոպայի հարցերով տարածաշրջանային տնօրեն Արուպ Բաներջին վերջերս կարծիք է հայտնել, որ Ուկրաինայում պատերազմը հանգեցրել է այս երկրում աղքատության մակարդակի տասնապատիկ աճին, և ենթակառուցվածքային կարևոր օբյեկտների վրա շարունակվող հարձակումները լրջորեն սրում են տնտեսական իրավիճակը։ Այս մասին նա ասել է Reuters-ին տված հարցազրույցում։
Բաներջին կարծում է, որ յուրաքանչյուր չորրորդ ուկրաինացին մինչև տարեվերջ կապրի աղքատության մեջ՝ համեմատած մինչև պատերազմը 2 %-ից մի փոքր ավելի, մինչդեռ 2023-ի վերջին այդ ցուցանիշը կարող է հասնել 55 %-ի: Ցուրտ եղանակի սկսվելուն պես Ուկրաինան կարող է բախվել երկրի ներսում զանգվածային միգրացիայի հերթական ալիքին։
Բաներջին նաև նշել է, որ Ուկրաինայի կառավարությանը հաջողվել է նվազագույնի հասցնել բյուջեի ծախսերը, և այժմ հիմնական միջոցներն ուղղվում են միայն սոցիալական օգնության վճարմանը, ներքին պարտքի սպասարկմանը և պաշտպանության ոլորտի ֆինանսավորմանը։
Այս շաբաթվա սկզբին Վլադիմիր Զելենսկին ասել էր, որ Ուկրաինային անհրաժեշտ է մոտ 55 միլիարդ դոլար՝ բյուջեի դեֆիցիտը ծածկելու և ենթակառուցվածքների մասնակի վերականգնում սկսելու համար։
Բաժանորդագրվեք մեր ալիքին Telegram-ում
piano music