2024թ․ երրորդ եռամսյակում, ըստ Վիճակագրական կոմկիտեի տվյալների, հանրապետությունում աշխատողների թվաքանակը կազմել է 764,907 մարդ՝ 2024թ․ երրորդ եռամսյակում 2023թ․ նույն եռամսյակի համեմատ աճելով 5%-ով։ Աշխատողների թվաքանակի 70 %-ը կամ 537,022 մարդ Երևանից է, մարզերին պատկանում է ընդամենը 30%-ը կամ 227,875 մարդ։
Նկատենք, որ Երևանում աշխատողների թվաքանակը ոչ միայն գերազանցում է մարզերի աշխատողների թվաքանակին մոտ 2 անգամ, այլև 2024թ․ երրորդ եռամսյակում 2023թ․ նույն եռամսյակի համեմատ մայրաքաղաքում աշխատողների թվաքանակն աճել է 5%-ով, իսկ մարզերում՝ ընդամենը՝ 3%-ով։ Նկատենք նաև, որ 2024թ․ աշխատողների թվաքանակի 28%-ը պատկանում է պետական, իսկ 72%-ը՝ մասնավոր հատվածին։
Այս համատեքստում հետաքրքիր է ուսումնասիրել աշխատողների թվաքանակի բաշխվածությունը պետական և մասնավոր հատվածի միջև Երևանում և մարզերում․
Հաշվարկները ցույց են տալիս, որ Երևանում է կենտրոնացած մասնավոր հատվածում աշխատողների 79%-ը. 2024թ․ երրորդ եռամսյակում 2023թ․ նույն եռամսյակի համեմատ թվաքանակն աճել է 6%-ով։
Իսկ պետական հատվածում աշխատողների թվաքանակը Երևանում կազմում է 21%՝ 2024թ․ երրորդ եռամսյակում 2023թ․ նույն եռամսյակի համեմատ աճելով ընդամենը 0․5%-ով։
Մարզերում մասնավոր հատվածում աշխատողների ամենամեծ մասնաբաժին ունի Կոտայքի մարզը՝ 69% կամ 28,762 մարդ. 2024թ․ երրորդ եռամսյակում 2023թ․ երկրորդ եռամսյակի համեմատ թիվն աճել է 10%-ով։
Միևնույն ժամանակ, պետական հատվածում աշխատողների ամենափոքր մասնաբաժինը՝ 31% կամ 12,752 մարդ, հավանաբար կպատկանի Կոտայքի մարզին։ Այստեղ 2024թ․ երրորդ եռամսյակում 2023թ․ երրորդ եռամսյակի համեմատ պետական հատվածում աշխատողների թվաքանակն աճել է 4%-ով։
Մարզերում մասնավոր հատվածում աշխատողների թվաքանակի ամենամեծ աճը՝ 14%-ով, դիտվել է Գեղարքունիքի մարզում՝ 6,752 մարդ։ Այնուամենայնիվ, հենց Գեղարքունիքի մարզն է առանձնանում մասնավոր հատվածում աշխատողների ամենափոքր մասնաբաժնով՝ 37%։
Գեղարքունիքը մարզերից առաջատարն է պետական հատվածում աշխատողների թվաքանակի ամենամեծ մասնաբաժնով՝ 63% կամ 11,533 մարդ։ Վերջինս 2023թ․ երրորդ եռամսյակի համեմատ աճել է 4%-ով։
Այդուհանդերձ, պետական հատվածում աշխատողների թվաքանակի ամենամեծ աճը՝ 5%, գրանցվել է Արմավիրի մարզում. այստեղ 2024թ․ երրորդ եռամսյակում պետական հատվածում աշխատել է 13,220 մարդ։
Բաժանորդագրվեք մեր ալիքին Telegram-ում
