Ավտոմոբիլային հաղորդակցությունը Հայաստանի և Ղազախստանի միջև այսուհետ կկարգավորվի այլ կերպ: Այսօր կառավարության նիստում հավանության արժանացավ նախագիծը ըստ որի Հայաստանի և Ղազախստանի կառավարությունների միջև միջազգային ավտոմոբիլային հաղորդակցության մասին համաձայնագրում փոփոխություններ և լրացումներ կատարվի:
Հիմնավորման մեջ նշվում է, որ ներկայումս երկու երկրների միջև բեռնափոխադրումների ոլորտում առկա է խնդիր՝ կապված ճանապարհային և բնապահպանական հարկերի գանձման օրենսդրական կարգավորումների հետ։
Այսպիսով, անհրաժեշտություն է առաջացել փոփոխություններ կատարել համաձայնագրում, որը կկանոնակարգի երկու երկրների միջև մի կողմի պետության տարածքում գրանցված տրանսպորտային միջոցները մյուս կողմի պետության օրենսդրութամբ նախատեսված հարկերից ու վճարներից ազատման արտոնությունների սահմանման գործընթացը:
Համաձայնագրի փոփոխությամբ պարզեցվելու է երկու երկրների միջև ավտոմոբիլային տրանսպորտով բեռնափոխադրումների գործընթացը, այսպիոսվ հնարավորություն տալով տարածաշրջանում բեռնափոխադրումների կազմակերպման հարցում Հայաստանի տարանցման դերի բարձրացման :
Բաժանորդագրվեք մեր ալիքին Telegram-ում
