2024 թվականի դեկտեմբերին ֆրանսիական դատարանում տեղի ունեցած լսումների ժամանակ Պավել Դուրովը խոստացել է բարելավել մոդերատորությունը Telegram-ում, հայտնում է Franceinfo ռադիոն՝ հղում անելով աղբյուրներին։
«Telegram-ը չի ստեղծվել հանցագործների համար հարթակ լինելու համար»,— ասել է Դուրովը դատական նիստի ժամանակ։
Գործարարի խոսքով՝ Telegram-ը ամեն ամիս ջնջում է 15-ից 20 միլիոն օգտատերերի հաշիվներ ամբողջ աշխարհում՝ օրենքները խախտելու համար։ Դուրովը նաև նշել է, որ վերջին վեց ամիսների ընթացքում հարթակի ղեկավարությունը ակտիվորեն շփվել է իրավապահ մարմինների հետ և տարբեր երկրների իշխանություններին է փոխանցել 10000 օգտատերերի տվյալները։
Telegram-ի հիմնադիրին ձերբակալել են օգոստոսի 24-ին Փարիզի Լե Բուրժե օդանավակայանում, իսկ չորս օր անց նրան ազատ են արձակել 5 միլիոն եվրո գրավի դիմաց՝ Ֆրանսիայից դուրս գալու արգելքով։
Բաժանորդագրվեք մեր ալիքին Telegram-ում
