2025 թվականին վրացական գինին կներկայացվի ԱՄՆ-ի, Մեծ Բրիտանիայի, Գերմանիայի, Լեհաստանի, Բալթյան երկրների, Չինաստանի, Հարավային Կորեայի և Ճապոնիայի շուկաներում։
Գինու ազգային գործակալությունը 2025 թվականին վրացական գինու հանրահռչակման նպատակով մարքեթինգային գործունեության վրա կծախսի 17,4 մլն լարի, ինչը 8,7 տոկոսով ավելի է, քան 2024 թվականին, ասվում է գործակալության հաղորդագրության մեջ։
Վրացական գինու հանրահռչակումը ռազմավարական շուկաներում առաջնահերթություն է Վրաստանի կառավարության համար։ Վրաստանի արտահանվող ապրանքների մեջ գինին զբաղեցնում է չորրորդ տեղը՝ կազմելով ընդհանուր արտահանման 4,2%-ը։ Ռուսաստանը տարիներ շարունակ եղել է վրացական գինու արտահանման հիմնական շուկան։
«Վրացական գինու խթանման ծրագրի 2025 թվականի բյուջեն սահմանվել է 17,4 միլիոն լարի, ինչը 1,4 միլիոն լարիով ավելի է նախորդ տարվա նույն բյուջեից»,- ասվում է հաղորդագրության մեջ։
Գինու ազգային գործակալության ֆինանսական և կազմակերպչական աջակցությամբ 2025 թվականին վրացական գինին ակտիվորեն ներկայացված կլինի ԱՄՆ-ի, Մեծ Բրիտանիայի, Գերմանիայի, Լեհաստանի, Բալթյան երկրների, Չինաստանի, Հարավային Կորեայի և Ճապոնիայի շուկաներում։
Բաժանորդագրվեք մեր ալիքին Telegram-ում
