Ռուսական ածուխ արտահանողները երրորդ տարին է՝ բախվում են կրճատումների, ինչը հանգեցնում է շահույթի և արտադրության անկման։
Այս մասին հայտնի է դարձել Argus-ի վիճակագրությունից, հաղորդում է The Moscow Times-ը։
2024 թվականի արդյունքներով ռուսաստանյան ածխահանքերին հաջողվել է արտաքին շուկաներ վաճառել 195 միլիոն տոննա արտադրանք՝ 17,5 միլիոն տոննայով պակաս, քան նախորդ տարի, և 26,2 միլիոն տոննայով պակաս 2022 թվականի ցուցանիշից։
«Argus»-ի վերլուծաբանները նշել են, որ ցուցանիշների վրա բացասաբար են ազդում շուկայական պայմանները, պատժամիջոցները և երկաթուղային ենթակառուցվածքի հետ կապված խնդիրները։
«Ի տարբերություն նավթի և գազի, որոնք Եվրոպան շարունակում է գնել, թեև փոքր քանակությամբ, ածուխը ենթարկվել է լիակատար էմբարգոյի, իսկ ածուխի խոշորագույն ընկերությունները՝ SUEK-ը և Mechel-ը, ներառվել են ԱՄՆ պատժամիջոցների ցանկում»,— ասվում է զեկույցում։
Ինչպես նշում է Argus-ը, արտահանման հետ կապված իրավիճակը սրվել է երկաթուղիների հետ կապված խնդիրների պատճառով, որոնք պատրաստ չեն եղել «տնտեսության շրջադարձին դեպի արևելք»։ Լոկոմոտիվների և վարորդների պակասը, ինչպես նաև բեռնափոխադրումների աճը, ռուսական երկաթուղիները կանգնեցրել են տրանսպորտային կործանման եզրին. ցանցում միջին արագությունը իջել է 35 կմ/ժ-ից և դարձել է ամենացածրը 1991 թվականից ի վեր:
Միաժամանակ ածխի արտահանման գները վերջին 7 տարում իջել են նվազագույնի, ինչը Ռուսաստանի Դաշնության բոլոր ածխային ընկերություններին դարձրել է ոչ եկամտաբեր։ Զուտ վնասը կազմել է 81 մլրդ ռուբլի (810 մլն դոլար)։
Այս ֆոնին ածխի հիմնական տարածաշրջանում՝ Ռուսաստանի Դաշնության Կեմերովոյի մարզում, անցյալ տարի արդյունահանումը նվազել է 15,8 մլն տոննայով՝ հասնելով 198,4 մլն-ի։
Բաժանորդագրվեք մեր ալիքին Telegram-ում
