Ժամանակակից աշխարհի տեխնոլոգիական հեղափոխությունները ընթանում են տարբեր ոլորտներում՝ նպաստելով այնպիսի խնդիրների լուծմանը, որոնք երկար տարիներ թվում էին անիրականանալի ու անհավանական։ Այս առումով հետաքրքիր է օդային տրանսպորտի զարգացումը։ Ներկայումս նախագծվում են ինքնաթիռներ, որոնց արագությունն էապես տարբերվում է նախկին մոդելներից։
Բացի այդ, մեր օրերում արդեն ավիաընկերությունների և օդանավակայանների սպասարկումն իրականացվում է ավելի պատշաճ և պրոֆեսիոնալ կերպով, իսկ որոշ օդանավակայաններ աշխատում են առավելագույն ճշգրտությամբ:
Ահա թե որոնք են 2024թ․ ամենաճշտապահ ավիաընկերությունները․
Համաձայն Ավիացիոն վերլուծական Cirium ընկերության տվյալների՝ ամենաճշտապահ ավիաընկերության տիտղոսը պատկանում է մեքսիկական Aeromexico ավիաընկերությանը։ 2024թ․ Aeromexico-ի կողմից իրականացված 196,611 թռիչքներից մոտ 87%-ի դեպքում վայրէջքը կատարվել է ժամանակին։
Երկրորդ հորիզոնականում է Սաուդյան Արաբիային պատկանող Saudia ավիաընկերությունը, որի ճշտապահության աստիճանը մոտ 86% է կազմում։
Երրորդ տեղում է հայտնվել Delta AirLines ամերիկյան ավիաընկերությունը՝ ճշտապահության մոտ 84% ցուցանիշով։
Ամենաճշտապահների ցանկը եզրափակում է United Airlines ավիաընկերությունը. 2024թ․ իրականացրել է 1․6 մլն թռիչք, որից մոտ 80%-ի պարագայում վայրէջքը կատարվել է ճիշտ ժամանակին։
