Արտահանման և ներմուծման ծավալները կրճատվել են երկնիշ թվով. նոյեմբերը` թվերով. ԻՆՖՈԳՐԱՖԻԿԱ

Ուսումնասիրենք 2024թ․ նոյեմբերին գրանցված տնտեսական առանցքային ցուցանիշների վարքագիծը։ Դեռևս ԵԱՏՄ անդամ հանդիսացող Հայաստանի  տնտեսությունում նոյեմբերին արձանագրված արդյունքներն այսպիսինն են․

Վիճակագրական կոմիտեի տվյալների համաձայն՝ 2024թ․ նոյեմբերին արդյունաբերական արտադրանքի ծավալը կազմել է ֏274,167 մլն, իսկ շինարարության ծավալը՝ ֏82,477 մլն:

2024թ․ նոյեմբերին առևտրաշրջանառության ծավալը հաստատվել է ֏613,899 մլն, իսկ ծառայությունների ծավալը՝ ֏291,928 մլն մակարդակներում:

2024թ․ նոյեմբերին ՀՀ-ում արտադրվել է 860 մլն կՎտ./ժ էլեկտրաէներգիա:

ՀՀ-ում միջին ամսական անվանական աշխատավարձը սույն թվականի նոյեմբերին կազմել է ֏ 291,061։

Ինչ վերաբերում է արտահանման և ներմուծման ծավալները նոյեմբերին կազմել են համապատասխանաբար  $752մլն և $1,166 մլն։ 

Վերը բերված ցուցանիշները հնարավոր կլինի լիովին մեկնաբանել և դրանց փոփոխության միտումն ըմբռնել, եթե դրանց 2024թ․ նոյեմբերին արձանագրված մակարդակները համեմատության մեջ դրվեն 2023թ․ նոյեմբերի և 2024թ․ հոկտեմբերի  համապատասխան ցուցանիշների հետ:

Տնտեսական ակտիվության ցուցանիշը 2024թ․ նոյեմբերին 2023թ․ նոյեմբերի համեմատ հաստատվել է 1․2% մակարդակում։

Արդյունաբերության համախառն արտադրանքի ծավալների անկումը 2024թ․ նոյեմբերին նախորդ տարվա նույն ամսվա համեմատ կազմել է 19%:

2024թ․ նոյեմբերին շինարարության ծավալները նախորդ տարվա նույն ժամանակահատվածի համեմատ աճել են մոտ 12%-ով, առևտրաշրջանառության ծավալները` ևս` մոտ 12%-ով։

2024թ․ նոյեմբերին 2023թ․ նույն ամսվա համեմատ ծառայությունների ծավալի աճը կազմել է մոտ 10%։ Իսկ գնաճը կազմել է 1․4%-ով։

2024թ․ նոյեմբերին 2023թ․ նույն ամսվա համեմատ միջին ամսական անվանական աշխատավարձն աճել է  մոտ 6%-ով։

Արտահանման և ներմուծման ծավալները 2024թ․ նոյեմբերին նախորդ տարվա նույն ամսվա համեմատ կրճատվել  են համապատասխանաբար 35%-ով և մոտ 21%-ով։ 

Ամենամեծ անկումը 2024թ․ նոյեմբերին 2023թ․ նույն ամսվա համեմատ արձանագրվել է արտահանման ծավալներում։ 

Աշխատանքային ծանրաբեռնվածությունը Հայաստանում. ԻՆՖՈԳՐԱՖԻԿԱ

Նոյեմբերին հոկտեմբերի համեմատ տնտեսական ակտիվության ցուցանիշը չի փոխվել։ Արդյունաբերության համախառն արտադրանքի ծավալների անկումը 2024թ․ նոյեմբերին հոկտեմբերի համեմատ կազմել է 0․5%:

2024թ․ նոյեմբերին հոկտեմբերի համեմատ արտահանման ծավալները նվազել են մոտ 20%-ով, իսկ ներմուծման ծավալները՝ մոտ 13%-ով։

Ամենամեծ անկումը 2024թ․ նոյեմբերին հոկտեմբերին համեմատ արձանագրվել է արտահանման ծավալներում։ 

Ամփոփելով` արձանագրենք, որ 2024թ. աշնան վերջին ամսում փաստացի դիտվել է տնտեսության աճի տեմպերի զգալի դանդաղեցում։