Իտալական Prada ապրանքանիշը Versace նորաձեւության տան պոտենցիալ հայտատուների թվում է, որը պատկանում է Capri Holdings-ին:
Նոյեմբերին Tapestry-ն հրաժարվեց Capri-ի համար 8,5 միլիարդ դոլար արժողությամբ առաջարկից:
Այն բանից հետո, երբ ամերիկյան շքեղ ապրանքների կոնգլոմերատի ստեղծման գործարքը ձախողվեց, Capri-ի ղեկավարները չեն բացառել իրենց ապրանքանիշերն առանձին վաճառելու հնարավորությունը, գրում է Reuters.com-ը։
Capri-ն վարձել է Barclays-ին ռազմավարական տարբերակներ ուսումնասիրելու համար, այդ թվում՝ Versace և Jimmy Choo ապրանքանիշերի վաճառքը: Capri Holdings-ի ողջ խումբը նույնպես կարող է հանվել վաճառքի։
Հոնկոնգում գտնվող Prada-ի բաժնետոմսերը նվազել են 0,4%-ով: Միևնույն ժամանակ 2024 թվականի երրորդ եռամսյակում նրա վաճառքներն աճել են 18%-ով։
Versace-ին բաժին է ընկնում Capri-ի տարեկան հասույթի մեկ հինգերորդը կամ 5,2 միլիարդ դոլար խմբի ընդհանուր վաճառքի 1 միլիարդ դոլարը:
2018 թվականի դրությամբ Versace-ի նորաձևության տունը գնահատվել է մոտավորապես 2 միլիարդ դոլար, այն գնել է 7 տարի առաջ Michael Kors Holdings-ի համասեփականատեր Մայքլ Կորսը: 2017 թվականին նա ձեռք է բերել նաև Jimmy Choo կոշիկի ապրանքանիշը 1,2 միլիարդ դոլարով։
2023 թվականին Versace-ի շրջանառությունը գերազանցեց 1,1 միլիարդ դոլարը, սակայն ընկերության զարգացումը հետ կանգնեց համաշխարհային պահանջարկի անկմամբ, հատկապես Չինաստանում: 2024 թվականի երկրորդ եռամսյակում շրջանառությունը նախորդ տարվա համեմատ նվազել է 28,2%-ով և կազմել 201 մլն դոլար։ Գործառնական վնասը հասել է 3 մլն դոլարի։
Բաժանորդագրվեք մեր ալիքին Telegram-ում
