Աշխարհի 500 ամենահարուստ մարդկանց կարողությունը 2024 թվականին գրանցել է ապշեցուցիչ ցուցանիշ՝ 10 տրիլիոն դոլար, հայտնում է Bloomberg-ը։ Այս անհավանական աճը հիմնականում վերագրվում է տեխնոլոգիական ոլորտում առաջընթացին:
Ցուցակի առաջին տեղում կրկին Իլոն Մասկն էր, ում կարողությունը հասել է 432 միլիարդ դոլարի: Նրան հաջորդում են այլ հսկաներ՝ Ջեֆ Բեզոսը՝ 239 միլիարդ դոլար, Մարկ Ցուկերբերգը՝ 270 միլիարդ դոլար, Լարի Էլիսոնը՝ 192 միլիարդ դոլար (168 մլրդ դոլար), Սերգեյ Բրինը (158 մլրդ դոլար) և LVMH ընկերությունների խումբը ներկայացնող Բեռնար Արնոն (176 մլրդ դոլար):
Հատուկ ուշադրության են արժանացել տեխնոլոգիական ոլորտի միլիարդատերերը։ Արդյունաբերության ութ առաջատարներ, ներառյալ Մասկը, Ցուկերբերգը և Nvidia-ի Ջենսեն Հուանգը, տարվա ընթացքում ավելացրել են իրենց կարողությունը 600 միլիարդ դոլարով, ինչը կազմում է 500 ամենահարուստ մարդկանց ընդհանուր ունեցվածքի 43%-ը, ըստ Bloomberg-ի:
«Այս մարդիկ շարունակում են վերափոխել աշխարհը՝ ստեղծելով տեխնոլոգիաներ, որոնք փոխում են բոլորի կյանքը»,- ասվում է հրապարակման մեջ։
