ԵԳԻՊՏՈՍԻ ԱՐԵՎԸ ԿՏԱՔԱՑՆԻ ԵՎՐՈՊԱՑԻՆԵՐԻՆ

«GREGY» անդրջրյա մալուխը Հունաստանին կապահովի 3 ԳԳՎՏ վերականգնվող էներգիայով։ Վերջինս սկիզբ է առնելու Եգիպտոսի հյուսիսից և հանդիսանալու է գազի այլընտրանք։ Մալուխի գործունեության ժամկետը կազմելու է 8 տարի։ Գրում է Hightech-ը։

Մատակարարվող էլեկտրէներգիայի 1/3-ը էլեկտրաէներգիայով կապահովի Հունաստանի ծանր արդյունաբերության ոլորտը, մյուս 1/3-ը կարտահանվի Բուլղարիա և Իտալիա, իսկ մնացած 1/3 կօգտագործվի «կանաչ» ջրածնի արտադրության նպատակով։

«Renewables Copelouzos Group» ընկերության ղեկավար Իոանիս Կարիդասը նշում է, որ Եգիպտոսից եկող «կանաչ» էներգիայի մալուխը կնպաստի ռուսական գազի և օգտակար հանածոների նկատմամբ պահանջարկի է’լ ավելի կրճատմանը։ Բացի այդ, նոր էլեկտրաէներգիան բավականին էժան կլինի, որը էական նշանակություն կունենա հույների և եվրոպացիների համար։ Նկատենք, որ Եգիպտոսում տեղակայված արևային վահանակների դաշտերն այսօր դարձել են վերականգնվող էներգետիկայի խոշոր արտահանման կենտրոններ։