Դեկտեմբերի 23-ին Ճապոնիայի ավտոարտադրողներ Honda Motor-ը և Nissan Motor-ը ստորագրել են փոխըմբռնման հուշագիր՝ քննարկելու հնարավոր միավորումը։
Եթե բանակցությունները հաջողությամբ ավարտվեն, միավորված ընկերությունը կսկսի գործել 2026 թվականի օգոստոսին։
Այս քայլը նպատակ ունի ստեղծել աշխարհի երրորդ խոշորագույն ավտոմոբիլային կոնցեռնը՝ Toyota-ից և Volkswagen-ից հետո։
Միաձուլման արդյունքում նախատեսվում է տարեկան 8 միլիոն մեքենա արտադրել, ինչը կդարձնի նոր ընկերությունը ավտոմեքենաների վաճառքով աշխարհի երրորդ խոշորագույն արտադրողը։
Նշվում է, որ Mitsubishi Motors-ը, որի 24%-ը պատկանում է Nissan-ին, նույնպես կարող է միանալ միաձուլմանը։ Այս միավորումը նպատակ ունի ուժեղացնել երկու ընկերությունների դիրքերը ավտոմոբիլային շուկայում՝ հատկապես հաշվի առնելով Չինաստանի և ԱՄՆ-ի շուկաներում վերջին տարիներին արձանագրված վաճառքի նվազումը։ Բանակցությունների հաջող ընթացքի դեպքում, Honda-ն և Nissan-ը միավորման մասին կհայտարարեն 2025 թվականի հունիսին։ Այս միավորումը կարող է էական ազդեցություն ունենալ համաշխարհային ավտոմոբիլային շուկայում՝ ստեղծելով նոր մրցակցություն և հնարավորություններ նոր տեխնոլոգիաների զարգացման համար։
Բաժանորդագրվեք մեր ալիքին Telegram-ում
