Հրանտ Բագրատյանն իր ֆեյսբուքյան էջում գրառում է կատարել` անդրադառնալով ՀՀ կառավարության երեկվա որոշմանը , համաձայն որի Կառավարությունը անհուսալի դասով դասակարգված վարկառուներին աջակցություն կտրամադրի:
«Ամեն օր արթնանում ենք ու կարդում փաշինյանական հերթական անհեթեթ որոշումները։ Այս անգամ նա որոշել է մինչև 1 մլն վարկերրը փակել ….բյուջեի հաշվին։ Լսեք բյուջեն բոլորինս է հանրությանը. ձեզ ո՞վ է իրավունք տվել վերցնել մի հատուկ սոցիալական խավ (մինչև 1 մլն դրամը հիմնականում իշխանությանը մոտ կանգնած մարդկանց խավն է) և հանրային միջոցները ծախսել դրանց բարեկեցության վրա։ Սա տնտեսական որոշում չէ, սա “մերոնքականներին” (իմա ՔՊ-ական հակում ունեցողներին) կաշառելու ձև է։ Սա նախընտրական կաշառք է իր բոլոր հետևանքներով։ Վարկերի ավելի քան 95%-, համաձայն ԿԲ-ի, վերադարձվում են։ Էլ ի՞նչ կարիք կա դրանք վերադարձելիւությունը դարձնել ավելի քան 100%։ Քի՞չ է, երբ բանկերն այս երկրում առանց այդ էլ գերշահութաբեր են, քաղցկեղի նման չեն թողնում, որ իրենցից բացի ուրիշ բան զարգանա։ Ուրեմն ի՞նչ. բանկերին հերթական բյուջետային խաչաձև սուբսիդիայի հե՞տ գործ ունենք։ Սա ի՞նչ տրամաբանություն է։ Բյուջեում փող ունեք ամրապնդեք երկրի անվտանգությունը, պաշպանությունը, բարձրացրեք կենսաթոշակներն ու պետական ապշխատավարձերը, ֆինանսավորեք կրթությունն ու առողջապահությունը։ Ի՞չ վարկերի սուբսիդավորում, ի՞նչ հիպոթեկ բյուջեի հաշվին, ի՞նչ կուտակային կենսաթոշակ 40 տարով»,- գրել է նա։
Աջակցություն՝ «սև ցուցակներում» գտնվողներին․ Կառավարությունը եկամտահարկը կուղղի վարկի մարմանը
Բաժանորդագրվեք մեր ալիքին Telegram-ում
