ԵԱՏՄ անդամ բոլոր երկրներում 2024 թվականի հունվար-սեպտեմբեր ամիսներին միջին ամսական անվանական և իրական (ճշգրտված ապրանքների և ծառայությունների սպառողական գների ինդեքսով) աշխատավարձերը 2023 թվականի համապատասխան ժամանակահատվածի համեմատ աճել են։ Այս մասին հայտնում է Եվրասիական տնտեսական հանձնաժողովի մամուլի ծառայությունը։
Ըստ պաշտոնական տեղեկատվության՝ միջին ամսական իրական աշխատավարձի աճի ամենաբարձր տեմպերը գրանցվել են Բելառուսում (113,0%) և Ռուսաստանում (109,0%)։
Ստորև ներկայացնում ենք վարկանիշն՝ ըստ աշխատավարձի նվազման.
Ռուսաստան (928 ԱՄՆ դոլար, կամ՝ 363 հազար 952 հայկական դրամ);
Ղազախստան (854 դոլար, կամ՝ 334 հազար 797 դրամ);
Հայաստան (713 դոլար, կամ՝ 280 հազար 256 դրամ);
Բելառուս (690 դոլար, կամ` 272 հազար 728 դրամ);
Ղրղզստան (409 դոլար, կամ՝ 162 հազար 686 դրամ):
Բաժանորդագրվեք մեր ալիքին Telegram-ում
