Այսօր Ազգային ժողովում ֆինանսների նախարար Վահե Հովհաննիսյանն ասել է, որ Զարգացման ասիական բանկը Հայաստանին կտրամադրի 89 մլն 469 հազար եվրոյի վարկ։
Նրա խոսքով՝ 2024թ. նոյեմբերի 1-ին Հայաստանի եւ Ասիական զարգացման բանկի միջև ստորագրվել է «Հարկաբյուջետային կայունության և ֆինանսական շուկաների զարգացման ծրագիր. Ծրագիր 2» վարկային համաձայնագիրը։
Միջոցները կտրամադրվեն բյուջեի դեֆիցիտի ծածկմանը։
«Վարկային միջոցների յուրացման ժամկետը՝ 2025թ. հունիսի 30։ Տոկոսադրույքը կլինի լողացող»,— ասել է Հովհաննիսյանը։
Վարկի մարման ժամկետը կկազմի 15 տարի։ Դրանցից արտոնյալ է 3 տարին։
Բաժանորդագրվեք մեր ալիքին Telegram-ում
