Երեքշաբթի օրը Near Protocol-ը բլոգային գրառման մեջ հայտարարեց, որ համագործակցում է Google Cloud-ի հետ՝ արագացնելու Web3 ստարտափների զարգացումը: Տեղեկանում ենք Coin Gabbar-ից։
Այս համագործակցության միջոցով Google Cloud-ը տեխնիկական աջակցություն կտրամադրի NEAR դրամաշնորհ ստացողներին:
NEAR արձանագրությունը ապակենտրոնացված կիրառական հարթակ է, որը նախատեսված է հավելվածները օգտագործողի համար՝ գործընթացն ավելի հարմար և դյուրին դարձնելու նպատակով:
Ցանցն աշխատում է Proof-of-Stake (PoS) կոնսենսուսային մեխանիզմով, որը կոչվում է Nightshade։ Վերջինիս նպատակն է ապահովել դինամիկ մասշտաբայնություն և վճարման կայունություն:
Սեպտեմբերին Google Cloud-ը հայտարարեց համանման համագործակցության մասին Binance-ի BNB Chain պլատֆորմի հետ՝ թույլ տալով ձեռներեցներին ապրանքներ և ծառայություններ ստեղծել BNB Chain բլոկչեյնում՝ Google Cloud-ի մասշտաբային, անվտանգ և բաց կոդով ենթակառուցվածքի հիման վրա:
Բաժանորդագրվեք մեր ալիքին Telegram-ում
