Գաղտնիք չէ, որ առանց արդյունաբերության ոլորտի առաջանցիկ տեմպերի չի կարելի պատկերացնել տնտեսության իրական աճ։ Հայաստանը դեռևս Խորհդային Միության ժամանակներից ի վեր եղել է խոշոր արդյունաբերական երկիր։ Հետևաբար, մենք ունենք այդ ներուժը` զարգացնելու հեռանկարներ։
Նկատենք, որ ոչ միայն կարևոր նշանակություն ունի արդյունաբերական համախառն արտադրանքի աճի ապահովումը, այլ նաև դրա կառուցվածքի ուսումնասիրությունը տարբեր կողմերից։
Հետաքրքիր է դիտարկել արդյունաբերության համախառն արտադրանքի ծավալների աճի տեմպերը 2023թ 2022թ․ համեմատ՝ ըստ Երևանի և ՀՀ մարզերի․
ՀՀ վիճակագրական տվյալները փաստում են, որ 2023թ․ 2022թ․ համեմատ ՀՀ արդյունաբերության համախառն արտադրանքի ծավալներն աճել են 5%-ով՝ կազմելով ֏ 2․9 տրլն։
Արդյունաբերության համախառն արտադրանքի ծավալների աճ 2023թ 2022թ․ համեմատ դիտվել է`
- Երևանում՝ 23%-ով,
- Լոռիում՝ 20%-ով,
- Վայոց ձորում՝ 12%-ով,
- Արագածոտնում՝ 8%-ով,
- Կոտայքում՝ 3%-ով։
Փաստացի Երևան քաղաքը և վերոնշյալ մարզերը նպաստել են արդյունաբերության համախառն արտադրանքի ծավալների աճին։ Վերջինիս աճի պոտենցիալը սահմանափակել են հետևյալ մարզերը, որտեղ 2023թ․ 2022թ․ համեմատ դիտվել են արդյունաբերության համախառն արտադրանքի ծավալների անկումներ․
- Գեղարքունիքում և Շիրակում՝ 20%-ով,
- Արարատում՝ 9%-ով,
- Սյունիքում՝ 8%-ով,
- Արմավիրում՝ 3%-ով։
Վիճակագրական տվյալները հուշում են, որ մարզերում կան լուրջ խնդիրներ այս մասով, և կարիք կա հասկանալու այս անկումների հիմնական պատճառները։
Բաժանորդագրվեք մեր ալիքին Telegram-ում
