Վատ ուսուցիչը սովորեցնում է ճշմարտությունը, լավ ուսուցիչը սովորեցնում է գտնել այն․ ասույթներ ուսուցիչների մասին

Ուսուցչի աշխատանքն ամենահարգված և միևնույն ժամանակ ամենաբարդերից է համարվում։ Ուսուցիչը սովորեցնում է ոչ միայն դպրոցական իմաստություն, այլև կյանք։ Լավ դաստիարակը կարող է մոտեցում գտնել յուրաքանչյուր երեխայի նկատմամբ, գերել իր առարկայով։ Իզուր չէ, որ շատ հաջողակ մարդկանց թիկունքում հաճախ կանգնած են նվիրյալ ուսուցիչներ, մարդիկ որոնք կարողանում են ոգեշնչել և առաջ մղել իրենց խորհուրդներով և հավատով։

Banksnews.am-ը շնորհավորում է բոլոր ուսուցիչներին մասնագիտական տոնի առթիվ և ներկայացնում նրանց նվիրված աֆորիզմներ.

• Քո ուսուցիչը նա չէ, ով քեզ սովորեցնում է, այլ նա, ումից դու սովորում ես։

Ռիչարդ Բախ

• Ով հասկանում է նորը, փայփայում հինը, նա կարող է ուսուցիչ լինել։

Կոնֆուցիոս

• Մենք պետք է հավատանք նրան, ինչ սովորեցնում ենք մեր երեխաներին։

Վուդրո Վիլսոն

• Վատ ուսուցիչը սովորեցնում է ճշմարտությունը, լավ ուսուցիչը սովորեցնում է գտնել այն:

Ադոլֆ Դիստերվեգ

• Ուսուցիչը մարդկային հոգիների ինժեներ է։

Միխայիլ Իվանովիչ Կալինին

• Ուսուցիչներին խոսք տրվեց ոչ թե սեփական մտքերը հանգստացնելու, այլ ուրիշի մտքերն արթնացնելու համար։

Վասիլի Օսիպովիչ Կլյուչևսկի

• Ուսուցչի ողջ հպարտությունն աշակերտների մեջ է, նրա ցանած սերմերի աճի մեջ։

Դմիտրի Իվանովիչ Մենդելեև

• Ուսուցիչը նա է, ով ժամանակի ընթացքում իրեն ավելորդ է դարձնում:

Թոմաս Կարուտերս

• Մարդը միշտ սովորում է միայն նրանցից, ում սիրում է։ Նրանք, ումից մենք սովորում ենք, իրավամբ կոչվում են ուսուցիչներ, բայց ոչ բոլոր մեզ սովորեցնողներն են արժանի այդ կոչմանը:

Յոհան Վոլֆգանգ Գյոթե

• Լավ ուսուցիչը նման է մոմի. այրվելով լուսավորում է իր աշակերտների ճանապարհը:

անհայտ հեղինակ