Հարավային Կորեան պարտավորեցրել է Facebook սոցիալական ցանցիn(սեփականատեր Մետային) որպես տուգանք վճարել 21,62 միլիարդ վոն (15,67 միլիոն դոլար): Դա տեղի է ունեցել այն բանից հետո, երբ պարզվել է, որ ընկերությունը հավաքում է օգտատերերի գաղտնի տվյալները և դրանք տրամադրում գովազդատուներին՝ առանց օրինական հիմքերի, հայտնում է Reuters-ը։
Ամերիկյան տեխնոլոգիական հսկան առանց օգտատերերի համաձայնության տեղեկություններ է հավաքել 980,000 հարավկորեացի օգտատերերի մասին, այդ թվում՝ կրոնի, քաղաքական հայացքների և սեռական կողմնորոշման հարցերի վերաբերյալ, ասվում է Գաղտնիության հանձնաժողովի հայտարարության մեջ: Գործակալության տվյալներով՝ այդ տեղեկությունն այն ժամանակ օգտագործել է մոտ 4 հազար գովազդատու։
«Հատկապես, պարզվել է, որ Meta*-ն վերլուծել է օգտատերերի վարքագծի տվյալները, ինչպիսիք են նրանց հավանած էջերը և Facebook-ում նրանց հետաքրքրող գովազդները, ինչպես նաև ստեղծել և կառավարել է գովազդներ՝ հիմնված զգայուն տեղեկատվության վրա», – ասաց հանձնաժողովը:
