Հայաստանի ֆոնդային բորսան ամփոփել է 2022 թ.-ի սեպտեմբեր ամսվա տվյալները։
Հայաստանի ֆոնդային բորսայում սեպտեմբերին տեղի ունեցած պետական պարտատոմսերի տեղաբաշխման և հետգնման աճուրդների ընդհանուր ծավալը կազմել է 22.6 մլրդ դրամ:
Պետական պարտատոմսերի երկրորդային շուկայի բորսայական առևտրի ընդհանուր ծավալը սեպտեմբերին կազմել է ավելի քան 8.9 մլրդ ՀՀ դրամ: Առևտրի առարկա պետական գանձապետական պարտատոմսերով կնքվել է 79 գործարք։
Նախորդ տարիների նույն ժամանակահատվածի համեմատ կորպորատիվ պարտատոմսերի թե՛ շուկայի և թե՛ առևտրի ծավալները պահել են աճի դինամիկան։ Կորպորատիվ պարտատոմսերի սեպտեմբեր ամսվա շուկայի ծավալը կազմել է ավելի քան 430.8 մլրդ դրամ։ Կորպորատիվ պարտատոմսերով իրականացված առևտրի ծավալը կազմել է ավելի քան 7.8 մլրդ դրամ` 2021 թ․-ի սեպտեմբերի համեմատ գրանցելով 50% աճ։ Կորպորատիվ պարտատոմսերով հաշվետու ժամանակահատվածում կնքվել է 368 գործարք։
Բորսայում շրջանառվող կորպորատիվ պարտատոմսերի քանակը կազմել է 108։
Ռեպո գործարքների ընդհանուր ծավալը կազմել է գրեթե 7.1 մլրդ դրամ, որը գերազանցում է 2021թ.-ի սեպտեմբերի համապատասխան ցուցանիշը մոտ 113%-ով։
Բաժնետոմսերի առևտրի ծավալը նախորդ տարվա նույն ժամանակահատվածի համեմատ բազմապատիկ աճել է՝ հասնելով 100.2 մլն դրամի։ Շուկայի կապիտալիզացիան նախորդ տարվա համեմատ ավելացել է ավելի քան 65.5%-ով՝ հասնելով 263 մլրդ դրամի։ Բաժնետոմսերով կնքվել է 396
գործարք։
Ամսական տվյալների գրաֆիկները կարող եք տեսնել այստեղ։
Բաժանորդագրվեք մեր ալիքին Telegram-ում
Loading ...