ՀՀ վիճակագրական կոմիտեի տվյալների համաձայն՝ մշակող արդյունաբերության ծավալները 2024թ․ հունվար-օգոստոսին 2023թ․ նույն ժամանակահատվածի համեմատ աճել են շուրջ 21%-ով՝ կազմելով ֏1,319,573․0 մլն։
ՀՀ արդյունաբերական արտադրանքի ծավալների շուրջ 70%-ը բաժին է ընկնում մշակող արդյունաբերությանը։ Հետևաբար, մշակող արդյունաբերության զարգացման ապահովումը առանցքային խնդիր է։
2024թ․ հունվար-օգոստոսին 2023թ․ նույն ժամանակահատվածի համեմատ մշակող արդյունաբերության ոլորտում զգալի աճեր են արձանագրվել հետևյալ ուղղություններով․
2024թ․ հունվար-օգոստոսին 2023թ․ նույն ժամանակահատվածի համեմատ մոտ 20 անգամ աճել են կոքսի և թորած նավթամթերքի արտադրության ծավալները՝ հասնելով ֏ 614 մլն մակարդակին։
2024թ․ հունվար-օգոստոսին 2023թ․ նույն ժամանակահատվածի համեմատ մոտ 3 անգամ աճել են հիմնական մետաղների արտադրության ծավալները՝ հասնելով ֏339,890 մլն մակարդակին։
2024թ․ հունվար-օգոստոսին 2023թ․հունվար-օգոստոսի համեմատ մոտ 61%-ով աճել են էլեկտրական սարքավորանքի արտադրության ծավալները։
Մոտ 30%-ով աճել են կահույքի արտադրության ծավալները՝ 2024թ․ հունվար-օգոստոս ժամանակահատվածում հասնելով ֏11,174 մլն մակարդակին։
Բաժանորդագրվեք մեր ալիքին Telegram-ում
