Թանկարժեք սմարթֆոնների համար Samsung ընկերությունը նոր ապրանքանիշ կստեղծի:
Ընկերությունն Galaxy ապրանքանիշի ներքո արտադրում է բյուջետային հեռախոսներ, ինչը, ըստ ընկերության ղեկավարների, ստվերում է նրանց ապրանքանիշը: Հենց այդ պատճառով էլ Samsung-ը նախատեսում է ստեղծել առանձին ապրանքանիշ, որի ներքո նախատեսում է արտադրել պրեմիում սարքեր։
Galaxy շարքը ներառում է Z, S, A, M և F խմբի սմարթֆոններ, մինչդեռ Apple-ն արտադրում է միայն թանկարժեք iPhone-ներ։
Samsung-ը կարծում է, որ առանձին ապրանքանիշի դեպքում իրենց համար ավելի հեշտ կլինի մրցել ամերիկյան այս ընկերության հետ և առաջ մղել պրեմիում սմարթֆոններ։
Ավելի վաղ հայտարարվել է, որ Samsung-ը պատրաստվում է թողարկել բյուջետային Galaxy A0X շարքի իր առաջին 5G սմարթֆոնը։
Այս շարքը սովորաբար ներառում է էժան հեռախոսներ՝ բազային գործառույթներով և մինչ այժմ առաջարկվել են միայն 4G մոդելներ։
Բաժանորդագրվեք մեր ալիքին Telegram-ում
