Հայ-հնդկական հարաբերությունների զարգացման ֆոնին Հայաստանը սկսել է ակտիվորեն ռազմական նշանակության ապրանքներ ներմուծել Հնդկաստանից։
Հայաստանում ապրում և աշխատում են Հնդկաստանի հազարավոր քաղաքացիներ, որոնց նկատմամբ հայ հասարակության վերաբերմունքը միանշանակ չէ։ Այս պայմաններում հայ-հնդկական հարաբերությունների ժամանակակից փուլն ունի զարգանալու և ընդլայնվելու միտում։
Իսկ տնտեսական հարաբերությունների տեսանկյունից ճիշտ կլիներ հնդկական խոշոր ըներությունների մասնակցությունը Հայաստանի տնտեսությունում։
Քչերս գիտենք`որո՞նք են հնդկական խոշոր ընկերությունները և ի՞նչ ոլորտներ են ներկայացնում։
Այս բացը լրացնենք ստորև բերված գծապատկերի օգնությամբ․
2024թ․ հոկտեմբերի 30-ի դրությամբ հնդկական խոշոր 20 ընկերությունների շուկայական կապիտալիզացիայի ընդհանուր ծավալները կազմել են $1․8 տլրն: Առանձնացրել ենք առաջին տասնյակը։
Այսպես, կոգլոմերատ «Reliance Industries» ընկերության շուկայական կապիտալիզացիայի մակարդակը կազմում է $214 մլրդ։
Երկրորդ տեղում է IT ծառայություններ մատուցող «Tata Consultancy Services» ընկերությունը, որի շուկայական կապիտալիզացիայի մակարդակը կազմում է $176 մլրդ։
Երրորդ հորիզոնականում է հայտնվել ֆինանսական ծառայություններ մատուցող «HDFC Bank» ընկերությունը` շուկայական կապիտալիզացիան`$163 մլրդ։
Ցուցակը եզրափակում է «Life Insurance Corporation of India» ընկերությունը, որը գործում է ապահովագրության ոլորտում և ունի շուկայական կապիտալիզացիայի $67 մլրդ մակարդակ։
Բաժանորդագրվեք մեր ալիքին Telegram-ում
